Քաղաքականություն
14.06.2025 | 10:21
«Մյուս կողմը (ԱՄՆ) գործել է այնպես, որ երկխոսությունն անիմաստ է դարձնում: Դուք չեք կարող պնդել, որ բանակցություններ եք վարում և միևնույն ժամանակ բաժանել աշխատանքը՝ թույլ տալով Իսրայելին թիրախավորել Իրանի տարածքը», – հայտարարել է Իրանի արտաքին գործերի նախարարության խոսնակ Էսմայիլ Բաղային․ գրում է Mehr գործակալությունը։
Նա ասել է, որ իսրայելական ռեժիմին «հաջողվել է ազդել» դիվանագիտական գործընթացի վրա, և Իսրայելի հարձակումը չէր լինի առանց Վաշինգտոնի թույլտվության։
Իրանն ավելի վաղ մեղադրել էր ԱՄՆ-ին Իսրայելի հարձակումներին մեղսակից լինելու մեջ։
Հիշեցնենք, որ ԱՄՆ-Իրան միջուկային բանակցությունների վեցերորդ փուլը պետք է տեղի ունենար կիրակի օրը Մասկատում, բայց պարզ չէ՝ այն կշարունակվի՞ Իսրայելի հարվածներից հետո, թե՞ ոչ։
Գործակալությունը նշում է, որ ԱՄՆ նախագահ Դոնալդ Թրամփը Reuters-ին հայտնել է, որ ինքը և իր թիմը գիտեին Իսրայելի հարձակումների մասին, բայց նրանք դեռևս տեսնում էին համաձայնության հասնելու հնարավորություն։
Թարգմանությունը՝ Անահիտ Խաչատրյանի
