Բաքվում շինծու գործերով դատական նիստում Լևոն Մնացականյանի հարցազրույցներն են ցուցադրվել Ապրիլյան քառօրյայի, նաև վեճի տեսանյութը Սամվել Բաբայանի հետ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Բաքվի զինվորական դատարանում ընթանում է Արցախի ղեկավարների, տարբեր պաշտոնյաների նկատմամբ հարուցված շինծու քրեական գործերով դատական նիստը։ Այն նախագահում է դատավոր Զեյնալ Աղաևը։

Ադրբեջանական լրատվամիջոցների հաղորդմամբ՝ նախօրեին տեղի ունեցած նիստում Արցախի ՊԲ նախկին հրամանատար Լևոն Մնացականյանը պատասխանել է պետական  ​​մեղադրողի հարցերին 2016 թվականի Ապրիլյան պատերազմի մասին։ Պատասխանելով Ադրբեջանի գլխավոր դատախազության պետական մեղադրանքների աջակցության վարչության պետ Նասիր Բայրամովի հարցերին՝ Մնացականյանն ասել է, որ ապրիլյան մարտերի ժամանակ քաղաքացիական բնակչության բնակավայրերը հրետանային կրակի չեն ենթարկվել, որ այդ տարածքներում և դրանց մոտակայքում տեղակայված են եղել զինվորական ստորաբաժանումներ, ռազմական տեխնիկա և զինծառայողներ, իսկ տներին արկերի հարվածները համարում է պատահականություն՝ պնդելով, որ դա միտումնավոր չի եղել։

«Գյուղի վրա հարձակում չի եղել։ Մենք գյուղի վրա չենք կրակել»,- հայտարարել է նա։

Դատարանում նաև ուսումնասիրվել են Լևոն  Մնացականյանի հարցազրույցներից մեկից որոշ հատվածներ։ Դրանում Մնացականյանը խոսում է 2015 թվականի փետրվարի 24-ի լույս 25-ի գիշերը տեղի ունեցած մարտերի և 2016 թվականի Ապրիլյան մարտերի մասին, ադրբեջանական հատուկ նշանակության ուժերն անվանում է «Յաշմա բրիգադ»՝ նշելով նրանց մասնակցությունն այդ մարտերին, խոսում է նաև Արցախի բանակում կատարված աշխատանքի մասին։

Դատարանում ցուցադրվել և ուսումնասիրվել է նաև ինտերնետային ռեսուրսներից վերցված տեսանյութ, որում, ըստ ադրբեջանական լրատվամիջոցների հրապարակումների, Լևոն Մնացականյանն ու Արցախի պաշտպանության նախկին նախարար Սամվել Բաբայանը միմյանց են մեղադրում։ Դրանում, իբր, Բաբայանը նաև պնդում է, թե 2016 թվականի ապրիլին տեղի ունեցածը պատերազմ չէր, այլ «դիվերսիա», իսկ Մնացականյանը նշում է, որ տեղի ունեցածը լիարժեք գործողություն էր, պատերազմ։

Պատասխանելով ականազերծման վերաբերյալ հարցերին՝ Մնացականյանը, իբր, ասել է, որ ականներ են տեղադրվել երկու ուղղությամբ՝ հյուսիսում և հարավում։ Ականների տեղադրումից հետո ձևաթղթերը ներկայացվել են բարձրագույն շտաբ։ Դա, ըստ Մնացականյանի, տարածքի ճիշտ սխեմա է, որտեղ ականներն են, մինչդեռ, քարտեզի վրա ճշգրտությունը բացակայում է։

«Քարտեզը ցույց է տալիս ականների գտնվելու վայրերը։ Բայց ձևաթղթի վրա կարող եք տեսնել ականների ճշգրիտ տեղը»,- ասել է Մնացականյանը։

Հարցին, թե ինչ տեսակի ականներ են տեղադրված տարածքներում, Մնացականյանը պատասխանել է հետևյալ կերպ. «Սկզբնական փուլում Խորհրդային Միությունում արտադրված ականներն էին։ Ավելի ուշ մատակարարվել են ՌԴ-ից ու մեզ փոխանցվել Հայաստան միջոցով։ Վերջին շրջանում նաև արտադրվում էին Հայաստանում ու այնտեղից մատակարարվում մեզ։ Ականները հակահետևակային և հակատանկային էին»։

Թարգմանությունը՝ Էմմա Չոբանյանի