17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Հնդկաստանում ավիաաղետից հետո 2 մարդ, ըստ տեղեկությունների, ողջ է գտնվել
Քաղաքականություն
12.06.2025 | 19:55
Առնվազն 200 մարդ է զոհվել Հնդկաստանում Ահմեդաբադում Լոնդոն մեկնող Air India ավիաընկերության Boeing 787-8 Dreamliner օդանավի աղետի հետևանքով։ BBC-ի հաղորդմամբ՝ տեղական ոստիկանության պետ Գ.Ս.Մալիկը հայտնել է, որ մինչ այժմ հայտնաբերվել է 204 մարմին։
Քառասունմեկ մարդ վիրավորվել է և այժմ նրանց բուժօգնություն է ցուցաբերում բժշկական անձնակազմը։
Reuters-ը հաղորդում է, որ Air India-ի օդանավի վթարից հետո երկու մարդ ողջ է գտնվել։
Ոստիկանությունը գտել է վթարից մեկ ողջ մնացածի, իսկ մյուսը հիվանդանոցում է։ Այս մասին էլ հաղորդում է հնդկական ANI լրատվական գործակալությունը։
«Ոստիկանությունը 11A նստատեղում գտել է մեկ ողջ մնացածի։ Մեկ ողջ մնացած հայտնաբերվել է հիվանդանոցում և բուժվում է։ Մահացածների թվի մասին դեռևս ոչինչ չեմ կարող ասել։ Նրանց թիվը կարող է աճել, քանի որ ինքնաթիռը վթարի է ենթարկվել բնակելի տարածքում»,- ասել է Մալիկը ANI-ին։
Հիշեցնենք, որ հնդկական լրատվամիջոցներն ավելի վաղ հայտնել էին, որ ենթադրաբար, բոլոր 242 ուղևորները զոհվել են։
Թարգմանությունը՝ Էմմա Չոբանյանի
