08.09.2026 | 11:31
Հանձնարարական եմ տվել. Երևանում մարզային տրանսպորտով չպետք է ուղևորափոխադրումներ իրականացվեն. Ավինյան․ ՏԵՍԱՆՅՈՒԹ
Բաքվում շինծու գործերով դատական նիստում Լևոն Մնացականյանը Ապրիլյան պատերազմին առնչվող հարցերի է պատասխանել
Քաղաքականություն
12.06.2025 | 20:33
Բաքվում ընթացող Արցախի ղեկավարների շինծու գործերով նիստում ԼՂՀ ՊԲ նախկին հրամանատար Լևոն Մնացականյանը պատասխանել է պետական մեղադրողի հերթական հարցերին, որոնք վերաբերել են 2016 թվականի իրադարձություններին, որոնք հայտնի են որպես «Ապրիլյան մարտեր», հայտնում են ադրբեջանական լրատվամիջոցները։
Մնացականյանը, որն այդ ժամանակ զբաղեցրել է Արցախի Պաշտպանության բանակի հրամանատարի պաշտոնը, պատասխանելով հարցին, թե ինչպե՞ս են գնահատվել «Ապրիլյան մարտերի արդյունքները Հայաստանում», ըստ ադրբեջանական աղբյուրների, ասել է, թե «18 մարտական դիրքի կորուստ է գրանցվել»։
Դատավարության ժամանակ ցուցադրվել են նաև Մնացականյանի կողմից լրագրողներին տված երկու հարցազրույցից մի քանի հատվածներ Ապրիլյան մարտերի մասին։
«Ընդհանուր իրավիճակը վերահսկվում է, զորքերի մարտական պատրաստվածությունը համապատասխան մակարդակի վրա է, մեր սահմաններն ամուր են և ապահով ձեռքերում»,- ասում է նա։
Նշվում է, թե լրագրողի հարցին՝ «Ճի՞շտ է, որ հակառակ կողմը նույնպես պաշտպանվում է», Մնացականյանը պատասխանում է «Այո»։
Թարգմանությունը՝ Էմմա Չոբանյանի
