17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Անչափաս տղաներից մեկը դանակով մյուսին հարվածել է կենցաղային հարցերի շուրջ միջադեպով պայմանավորված․ ՆԳՆ
Հասարակություն
12.06.2025 | 12:37
Երևանի Միսաք Մեծարենցի անվան հիմնական դպրոցի հետնամասում հունիսի 11-ին երկու անչափահաս տղաների միջև կենցաղային բնույթի միջադեպ է տեղի ունեցել, որի ընթացքում նրանցից մեկը սուր կտրող-ծակող առարկայով հարված է հասցրել մյուսին։ Այս մասին Factor.am-ին հայտնեց ՆԳՆ հանրային հաղորդակցության և իրազեկման վարչության պետի տեղակալ Մարտուն Սիմոնյանը։
Նա մանրամասնեց, որ տուժած 15-ամյա պատանին տեղափոխվել է «Սուրբ Աստվածամայր» բժշկական կենտրոն։
ՔԿ մամուլի խոսնսկ Կիմա Ավդալյանն էլ տեղեկացրեց, որ դեպքի առիթով Աջափնյակ և Դավթաշեն վարչական շրջանների քննչական բաժնում՝ ՀՀ քրեական օրենսգրքի 167-րդ հոդվածի 2-րդ մասի 4-րդ և 8-րդ կետերի հատկանիշներով նախաձեռնվել է քրեական վարույթ․ այն է՝ զենքի կամ մարմնական վնասվածք պատճառելը նախապես պատրաստված կամ հարմարեցված առարկայի կամ միջոցի գործադրմամբ։
Նշանակվել է դատաբժշկական-դատահետքաբանական համալիր փորձաքննություն:
Հիշեցնենք՝ shamshyan.com-ը գրել էր, որ երեկ Աջափնյակի դպրոցներից մեկում վիճաբանություն է տեղի ունեցել, որի ժամանակ աշակերտը դանակահարվել է:
Մանյա Պողոսյան
