24.06.2026 | 13:01
Ռուսական զորքերը հարվածներ են հասցրել Ուկրաինայի շրջաններին․ զոհ կա
Ճամբարակում զոհերի թիվը հասել է 5-ի․ որոնողափրկարարական աշխատանքները դադարեցվել են
11.06.2025 | 19:26
Ճամբարակում որոնողափրկարարական աշխատանքները դադարեցվել են․ հայտնաբերվել է վերջին որոնվողի դին։ Տեղեկությունը Factor.am-ին փոխանցեցին Ներքին գործերի նախարարությունից։ Կառույցից հայտնում են՝ պայթյունի վայրում սահմանվել է վերահսկողություն՝ ընթացիկ խնդիրները կարգավորելու նպատակով։
Ճամբարակում առավոտյան տեղի ունեցած ողբերգական դեպքի հետևանքով, ընդհանուր առմամբ, հոսպիտալացվել է 11 տուժած: Նրանցից 3-ը տեղափոխվել են երևանյան բուժհաստատություններ։ Առողջապահության նախարարությսունից հայտնել են, որ տուժածների առողջական վիճակը գնահատվում է միջին ծանրության և բավարար, բոլորը ստանում են համապատասխան բուժօգնություն:
Քննչական կոմիտեն էլ հայտնել է քրեական վարույթ նախաձեռնելու մասին։ Պայթյունի նախնական պատճառը գազի արտահոսքն է։
Հիշեցնենք, որ հունիսի 11-ին ժամը 08։34-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ էր ստացվել, որ Ճամբարակ քաղաքի Գարեգին Նժդեհի փողոցի շենքերից մեկի բնակարաններից մեկում հրդեհ է բռնկվել։
Անի Թամրազյան
