07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
Կհաստատվեն շուրջ 7 միլիոն եվրո բյուջեով ծրագրեր. ՆԳ նախարարը հանդիպել է ընդլայնման հարցերով Եվրոպայի հանձնակատարի հետ
Հասարակություն
11.06.2025 | 19:49
ՆԳ նախարար Արփինե Սարգսյանը և Ընդլայնման հարցերով Եվրոպայի հանձնակատար Մարտա Կոսը մտքեր են փոխանակել ներկայումս բանակցվող կարճաժամկետ և միջնաժամկետ ծրագրերի ընթացքի մասին, որոնց ընդհանուր բյուջեն կազմում է շուրջ 7 միլիոն եվրո։ Այս մասին տեղեկացնում են ՆԳՆ-ից։
«Մարտա Կոսը բարձր է գնահատել ձևավորված երկկողմ սերտ հարաբերությունները, ընդգծել՝ Հայաստանի հուսալի գործընկեր լինելու փաստը։ Նա շնորհակալություն է հայտնել նախարար Սարգսյանին ՆԳ նախարարության հետ արդյունավետ համագործակցության գործում ներդրման համար։
Այս համատեքստում քննարկվել են համագործակցությունն առավել ընդլայնելուն վերաբերող հարցեր։
Մարտա Կոսը հետաքրքրվել է ՆԳ նախարարությունում ընթացող բարեփոխումներով՝ աջակցություն ցուցաբերելու պատրաստակամություն հայտնելով։
Նախարար Սարգսյանը շնորհակալություն է հայտնել ջերմ ընդունելության համար, ապա մանրամասնել ՆԳ նախարարության և դրա ենթակա ստորաբաժանումներում ընթացող համապարփակ ու համակարգային բարեփոխումների ընթացքը, ինչպես նաև դրանց վերջնարդյունքը»,- ասված է հաղորդագրության մեջ։
Ըստ ՆԳՆ-ի՝ հանձնակատար Կոսը դրական է գնահատել ռեադմիսիոն համաձայնագրերի իրականացման ընթացքը:
«Քննարկվել են նաև աղետների ռիսկերի նվազեցման ուղղությամբ իրականացվող աշխատանքները, այդ թվում՝ Փրկարար ծառայության արդիականացմանը վերաբերող հարցեր։ Անդրադարձ է կատարվել ճգնաժամային կառավարման ոլորտում Հայաստանի կողմից վերջերս ընդունված նոր ռազմավարությանը»,- նշել են գերատեսչությունից։
