04.07.2026 | 11:55
Հրշեջ-փրկարարները կանխել են հրդեհի տարածումը դեպի հարակից տնակներ
Միրգն ու բանջարեղենը թանկացել են, բենզինը` էժանացել
Տնտեսություն
10.06.2025 | 16:30
2025 թվականի մայիսին, 2024-ի մայիսի համեմատ, մրգի ապրանքախմբում գներն աճել են 13,4%-ով, իսկ 2025թ. ապրիլի համեմատ՝ 3,5%-ով: Տվյալներն ամփոփված են Վիճակագրական կոմիտեի այս տարվա հունվար-մայիս ամիսների սպառողական գների ինդեքսում։
Նախորդ տարվա մայիսի համեմատ՝ այս տարվա մայիսին ելակը, խնձորը, ձմերուկն ու նարինջը թանկացել են, համապատասխանաբար, 47,7%, 20,6%, 11,7% և 33,2%-ով։
Բանջարեղենի ապրանքախմբում այս տարվա մայիսին արձանագրվել է 29% գնաճ, իսկ ապրիլի համեմատ՝ 0,2% գնանկում։
Կարտոֆիլը, կաղամբը, վարունգը և լոլիկը թանկացել են։ 2025-ի մայիսին, 2024-ի մայիսի համեմատ, կարտոֆիլը թանկացել է 74,6%-ով, կաղամբը՝ 55,4%-ով, վարունգը՝ 22,6%-ով, լոլիկը՝ 12.9%-ով։
Բենզինի և դիզելային վառելիքի գները 2025-ի մայիսին, ապրիլի համեմատ, նվազել են 5% և 3,1%-ով: 2025 թվականի մայիսին, 2024-ի մայիսի համեմատ, հանրապետությունում գրանցվել է բենզինի և դիզելային վառելիքի, համապատասխանաբար, 6,.8% և 8,5%, իսկ 2024թ. դեկտեմբերի համեմատ, համապատասխանաբար, 7% և 3,3% գնանկում:
Անի Թամրազյան
