24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Արծվիկ Մինասյանը՝ իր դեմ քրեական հետապնդում հարուցելու մասին
Քաղաքականություն
10.06.2025 | 14:30
ՀՀ ԱԺ «Հայաստան» խմբակցության պատգամավոր Արծվիկ Մինասյանը գրառմամբ անդրադարձել է իր դեմ հարուցված հանրային քրեական հետապնդմանը։
«Հարգելի հայրենակիցներ,
երեկ ականատես եղանք պետական մակարդակով հերթական կլյաուզային։ Մասնագիտական, քաղաքական ու բարոյական առումով որևէ քննադատության չդիմացող իմ դեմ հարցված ապօրինի քրեական գործը ոչ միայն հանրությանը մատուցվող հերթական շոուն է, այլև վկայում է Հայաստանը զավթած ռեժիմի իշխանությունը կորցնելու վախերի մասին։
Գլխավոր դատախազը, հերթական անգամ ոտնահարելով Սահմանադրությունն ու օրենքները, իրեն անսահմանորեն նվիրել է Նիկոլ Փաշինյանի հանցավոր հանձնարարությունների կատարմանը։
Մնացածի մասին` հաջորդիվ»,- գրել է պատգամավորը։
Հիշեցնենք, որ երեկ Գլխավոր դատախազ Աննա Վարդապետյանը միջնորդագիր էր ներկայացրել ԱԺ նախագահ Ալեն Սիմոնյանին՝ թույլ տալու հանրային քրեական հետապնդում հարուցել ԱԺ «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ։
Ավելի ուշ պարզ դարձավ, թե ինչ համար են մեղադրվում ընդդիմադիր պատգամավորները։
