13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
«Ի գործ»-ի շնորհիվ հայրենադարձվածների կեսը ՌԴ-ից են․ Զարեհ Սինանյան․ ՏԵՍԱՆՅՈՒԹ
Հասարակություն
10.06.2025 | 12:19
«Ի գործ» ծրագրի շրջանակում ունենք 70 տոկոս հայրենադարձություն, որի կեսը ՌԴ-ում ապրող հայերն են։ ԱԺ համատեղ հանձնաժողովների նիստում 2024 թվականի պետական բյուջեի կատարման նախնական քննարկումների ժամանակ այս մասին հայտնեց վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը։
Նրա խոսքով՝ 2019 թվականին, երբ ծրագիրը սկսում էին, 25 տոկոս թիրախ էին նշել, իսկ արդյունքը գերազանցել է ցուցանիշները։
Զարեհ Սինյանյանը փաստեց, որ իրենց ծրագրերին մեծապես դիմում են ՌԴ-ում ապրող հայեր, բայց իրենք չեն ուզում ծրագրերի կատարողական ապահովել միայն ռուսաստանաբնակ հայերով, քանի որ, ըստ նրա, Սփյուռքը միայն Ռուսաստանում ապրող հայերը չեն։
Հարցուպատասխանի ժամանակ ընդդիմադիր պատգամավոր Արմենուհի Կյուրեղյանը խնդրեց, որ Զարեհ Սինանյանը ներկայացնի, թե ինչ կոնկրետ արդյունքներ ունեն Սփյուռքում։
«Մենք ասֆալտ չենք փռում, կարտոֆիլ չենք ցանում, որ մեր աշխատանքը չափենք կիլոմետրորով կամ ցենտներով։ Մեր աշխատանքը մարդու հետ է։ Մենք ներդրվել ենք սփյուռքի մեջ և այդ ներդրումը պետք է լինի երկարատև կտրվածքում»,- արձագանքեց սփյուռքի գործերի գլխավոր հանձնակատարը։
Մանրամասները՝ տեսանյութում։
Մանյա Պողոսյան
