07.06.2026 | 13:34
Ուրախ կլինեի, որ երկիրը չտանենք նոր ցնցումների․Կարապետյանը՝ հետընտրական հնարավոր զարգացումների մասին
Կարևոր է ներպետական օրենսդրության մեջ Հռոմի կանոնադրության իմպլեմենտացումը․ փոխնախարար
Հասարակություն
09.06.2025 | 18:19
Հայաստանում մեկնարկել է «Միջազգային քրեական դատարանի նյութական և վարութային իրավունքը դատավորների, դատախազների և քննիչների համար» թեմայով աշխատաժողովը, որը կազմակերպվել է «Իրավունքի Եվրոպա միավորում» հասարակական կազմակերպության կողմից`Արդարադատության նախարարության հետ համագործակցությամբ, ՀՀ-ում Նիդերլանդների Թագավորության դեսպանության աջակցությամբ իրականացվող «Աջակցություն Հայաստանի Հանրապետության կառավարությանը Հռոմի կանոնադրության հետվավերացման գործընթացներում» ծրագրի շրջանակներում․ տեղեկացնում են ՀՀ ԱՆ-ից։
Դատարանի ընթացակարգերը ներկայացրել է Միջազգային քրեական դատարանի դատավոր Բեթի Հոլերը։
Նախարարի տեղակալ Աննա Կարապետյանն անդրադարձել է ներպետական օրենսդրության մեջ Հռոմի կանոնադրության իմպլեմենտացման, ինչպես նաև իրազեկման աշխատանքների կարևորությանը և ներկայացրել այդ ուղղությամբ ձեռնարկված քայլերը։
Նշվում է, որ աշխատաժողովին ներկա են գտնվել և բացման խոսքով հանդես եկել նաև ՀՀ վճռաբեկ դատարանի նախագահ Լիլիթ Թադևոսյանը և Հայաստանում Նիդերլանդների Թագավորության արտակարգ և լիազոր դեսպան Մարիկե Մոնրոյ-Վինթերը։
