09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Կոլումբիայի նախագահի թեկնածուի վրա կրակել են
Քաղաքականություն
08.06.2025 | 10:25
Շաբաթ օրը, հունիսի 7-ին, Կոլումբիայի մայրաքաղաք Բոգոտայում զինված հարձակում է տեղի ունեցել նախագահի թեկնածու Միգել Ուրիբեի վրա։ Իշխանությունների և նրա կուսակցության ներկայացուցիչների տվյալներով՝ քաղաքական գործիչը կրակոցից վիրավորվել է նախընտրական քարոզարշավի ժամանակ՝ Ֆոնտիբոն թաղամասի այգում։ Ըստ տեղական լրատվամիջոցների՝ Ուրիբեն ծանր վիճակում տեղափոխվել է հիվանդանոց, փոխանցում է DW-ն։
Կոլումբիայի պաշտպանության նախարար Պեդրո Սանչեսը հայտարարել է, որ կասկածյալը ձերբակալվել է։ Իշխանությունները շարունակում են քննությունը՝ պարզելու՝ ձերբակալվածը հանցակիցներ ունեցել է, թե ոչ։
Նշենք, որ Կոլումբիայի կառավարությունն կտրուկ դատապարտել է հարձակումը՝ այն անվանելով «ոչ միայն քաղաքական գործչի դեմ ուղղված հանցագործություն, այլ նաև հարձակում ժողովրդավարության, կարծիքի ազատության և օրինական քաղաքական գործունեության դեմ»։ ԱՄՆ պետքարտուղար Մարկո Ռուբիոն հայտարարել է, որ Վաշինգտոնը «ամենախիստ ձևով դատապարտում է կոլումբիացի սենատորի դեմ մահափորձը»։
39-ամյա Միգել Ուրիբեն ընդդիմադիր պահպանողական «Դեմոկրատական կենտրոն» կուսակցության ներկայացուցիչ է և գործող նախագահի՝ ձախակողմյան Գուստավո Պետրոյի քննադատը։ Նա հայտարարել էր 2026 թվականի նախագահական ընտրություններին առաջադրվելու մտադրության մասին։
