15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Հեղափոխական ալիքի վրա մարդիկ ավելի զգացմունքային ընտրություն են կատարում. իրավապաշտպան
Քաղաքականություն
11.10.2018 | 15:45
Շատ լավ կլիներ, որ արտահերթ ընտրությունների արդյունքում բազմազան լիներ խորհրդարանը, բայց, կարծում եմ, բազմազանությունը մի քիչ պակաս է լինելու: Այ մասին այսօր՝ հոկտեմբերի 11-ին արտահերթ խորհրդարանական ընտրությունների թեմայով կազմակերպված քննարկման ժամանակ ասաց իրավապաշտպան Վարդան Հարությունյանը:
Վարդան Հարությունյանը դժվարանում է ասել, թե ո՞ր քաղաքական ուժերը կհայտնվեն նոր խորհրդարանում. «Ուսումնասիրությունները ցույց են տալիս, որ հեղափոխական ալիքի վրա մարդիկ ավելի զգացմունքային ընտրություն են կատարում, և միշտ չէ, որ այդ ընտրությունն արտահայտում է հասարակության իրական մղումներն ու ցանկությունները: Չի բացառվում, որ խորհրդարանում նույնպես Նիկոլ Փաշինյանի գլխավորած քաղաքական ուժն ունենա հսկայական մեծամասնություն, և ընդամենը մեկ տարի անց մարդիկ, հնարավորության դեպքում, կարող էին այլ ընտրություն կատարել: Հեղափոխական ալիքը միշտ էլ թելադրում է խաղի իր կանոնները»:
Իրավապաշտպանի համոզմամբ՝ ՀՀԿ-ի կողմից ԱԺ Կանոնակարգ-օրենքում փոփոխություններ նախաձեռնելն արագացրեցին արտահերթ ընտրությունների գնալու գործընթացքը, միաժամանակ իրենց դեմ աշխատեց. «Ընդհանրապես, հեղափոխությունից հետո նախկին իշխանությունների ներկայացուցիչները ցանկացած քայլ, որ ծրագրում են, անում են հեղափոխություն իրականացնողների դեմ, աշխատում է իրենց դեմ»:
Վարդան Հարությունյանի կարծիքով՝ կարևոր է, որ փոփոխված Ընտրական օրենսգիրք լինի, սակայն, միաժամանակ, սարսափելի չի լինի, եթե ընտրությունները ոչ փոփոխված ԸՕ-ով լինեն: «Շատ ավելի կարևոր է քաղաքական կամքը: Ամենավատ օրենքով էլ կարելի է անցկացնել հասարակության և քաղաքական ուժերի կողմից ընդունելի ընտրություններ»,- հավելեց իրավապաշտպանը:
Մանրամասները՝ տեսանյութում:
