15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Ադրբեջանցիների կողմից նրանց առևանգելու մասին տեղեկությունը չի համապատասխանում իրականությանը․ ԱԱԾ-ն՝ Տեղ համայնքի տղաների մոլորվելու մասին
Հասարակություն
07.06.2025 | 10:06
ԱԱԾ-ն նոր մանրամասներ է հաղորդում երեկ Տեղ համայնքի երկու պատանիների՝ ադրբեջանական կողմում հայտնվելու մասին։
«Ի լրումն ս/թ հունիսի 6-ին տարածած հաղորդագրության, տեղեկացնում ենք, որ Սյունիքի մարզի Տեղ համայնքի երկու անչափահաս բնակիչների հայտնաբերվելուց հետո նրանց հետ ունեցած զրույցներից պարզվել է, որ իրենց ընտանի կենդանիներին փնտրելու ընթացքում նրանք մոլորվել են եւ մառախուղի պատճառով չեն կարողացել կողմնորոշվել տեղանքում։ Ադրբեջանցիների կողմից նրանց առեւանգելու մասին տեղեկատվությունը չի համապատասխանում իրականությանը»,- ասված է հաղորդագրությունում։
Հիշեցնենք, որ երեկ առավոտյան Ազգային անվտանգության ծառայությունը հաղորդել էր՝ Սյունիքի մարզի սահմանային Տեղ բնակավայրից երկու անչափահասներ ադրբեջանական կողմում են հայտնվել: Գերատեսչությունից հայտնում էին, թե 18-ը դեռ չլրացած Կարեն Ջհանգիրյանն ու 17-ամյա Անդրեյ Գյագունցը գիշերը 1:20 են մոլորվել Արավուս գյուղի հարակից հատվածում:
Երեկոյան հայտնի դարձավ, որ Տեղ համայնքի անչափահաս տղաները համայնքում են։ Այս տեղեկությունը Factor.am-ի հետ զրույցում հաստատել էր Տեղ համայնքի ղեկավար Դավիթ Ղուլունցը։
