24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Եկեղեցին, երբ միջամտում է քաղաքականությանը, պետք է պատրաստ լինի, որ այլ հարցեր կհնչեն. Հարությունյան․ ՏԵՍԱՆՅՈՒԹ
Հասարակություն
06.06.2025 | 12:04
Վարչապետի աշխատակազմի ղեկավար Արայիկ Հարությունյանն այսօր անդրադարձել է եկեղեցի-պետություն հակասությունների խնդրին՝ հասարակության կողմից եկեղեցու նկատմամբ բարձր վստահության համատեքստում։
«Անընդհատ լսում եմ այդ պնդումը վերջին զարգացումների շրջանակներում։ Ուզում եմ մի բան ասել՝ սոցհարցումները, որ արվում են, պետք է շատ ուշադիր նայել, թե տվյալ հարցին պատասխանելիս մեր հանրությունն ինչ ի նկատի ունի։ Ես հարյուր տոկոս վստահությամբ կարող եմ ասել՝ եթե եկեղեցական՝ շրջանառության մեջ գտնվող անունները դնենք այդ հարցման մեջ, կունենանք բացարձակ այլ պատկեր»,- ԱԺ-ում լրագրողների հետ զրույցում ասաց նա։
Հարությունյանը հիշեց, որ 2021 թվականին ամբողջ եկեղեցին՝ Կաթողիկոսի գլխավորությամբ, քարոզում էր ընդդեմ ՔՊ-ի, բայց հանրությունը, նրա խոսքով, գնաց ու տվեց Կաթողիկոսի և իր սպասավորների պատասխանը։
«Այն ժամանակ եկեղեցու վստահությունը, որպես ինտիտուտի, պակաս չէր, քան՝ 2024-ին։ Ուզում եմ, որ չխառնեք ինստիտուտն ու եկեղեցականներին, վստահ կարող եմ ասել՝ երբ եկեղեցականների վերաբերյալ հարցում անեք, կստանաք բացարձակ այլ պատկեր»,- հավելեց նա։
Մանրամասները` տեսանյութում։
