24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Քրեակատարողական ծառայության պետ Ծովինար Թադևոսյանը «Սևան» ՔԿՀ-ում ընդունել է ցմահ դատապարտյալներին
Հասարակություն
05.06.2025 | 17:38
Քրեակատարողական ծառայության պետ Ծովինար Թադևոսյանը, տեղակալներ Սահակ Գրիգորյանի, Վահե Նանուշյանի, Ծառայության կենտրոնական մարմնի սոցիալական, հոգեբանական և իրավական աշխատանքների բաժնի պետ Ցողիկ Ալեքսանյանի ուղեկցությամբ, աշխատանքային այց է իրականացրել ՀՀ արդարադատության նախարարության «Սևան» քրեակատարողական հիմնարկ․ հայտնում են ՔԿԾ-ից։
«Այցի հիմնական նպատակն էր հանդիպել ցմահ ազատազրկման դատապարտված անձանց հետ, լսել նրանց՝ պատժի կրման հետ կապված իրավական և անձնական բնույթի խնդիրները։
Ցմահ դատապարտյալները հանդիպման ընթացքում մասնավորապես անդրադարձել են անվտանգային գոտիների փոփոխմանը, խրախուսանքների և տույժերի կիրառմանը, բժշկական ծառայությունների մատուցմանը, ինչպես նաև սննդի որակին, դատապարտյալներին հատկացվող նոր, սեզոնային հանդերձանքին և հիգիենայի պարագաների փաթեթին վերաբերող հարցերին։
Դատապարտյալների հետ տեղում քննարկվել են բարձրացված հարցերի լուծման ընթացակարգերը, տրվել են պարզաբանումներ, ինչպես նաև ներկայացվել են ցմահ ազատազրկման դատապարտված անձանց վերաբերող բարեփոխումների ծրագրերը»,- ասված է հաղորդագրությունում։
