08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Թմրամիջոցը պետք է իրացվեր սանիտարի միջոցով. ոստիկանների բացահայտումը
Հասարակություն
05.06.2025 | 16:17
Քրեական ոստիկանության Գեղարքունիքի մարզային վարչությունում ստացվել է թմրամիջոցի իրացման վերաբերյալ տեղեկություն, որն իրացվել է հունիսի 3-ին: Առավոտյան ժամը 9-ին մոտ նախ ձերբակալվել է մարզում գործող հոգեբուժական մի հաստատության սանիտար 64-ամյա տղամարդը: Նրա խուզարկությամբ հայտնաբերվել է փայլաթիթեղի երեք փաթեթ, որոնցից երկուսը լցված է եղել դեղնականաչավուն, իսկ մեկը` բյուրեղանման զանգվածով․ հայտնում են ՆԳՆ ոստիկանությունից։
«Ըստ տղամարդու` դեղնականաչավուն զանգվածով երկու փաթեթում մարիխուանա է, որն ինքն է պատրաստել` անձնական օգտագործման համար:
Քրեական ոստիկանների տեղեկություններով` թմրամիջոցի նմանվող բյուրեղանման զանգվածով երրորդ փաթեթը նրան տվել էր Սևան քաղաքի բնակիչ 56-ամյա տղամարդը, և սանիտարն այն պետք է փոխանցեր բուժառուներից մեկին:
Իրավապահները ձերբակալել են նաև 56-ամյա տղամարդուն և բուժառուին:
Նախաքննությամբ հանգամանքները պարզվում են»,- ասված է հաղորդագրությունում։
