25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Պատրոն Դավո անունով հայտնի գործարարը ՀՀ-ին ավիացիոն տեխնիկա է նվիրում
05.06.2025 | 09:45
«Լեյա» և «Ռոյալսիս Էնջիներինգ» ընկերությունները իրենց պատկանող 30 մլն դրամ արժեցող ավիացիոն տեխնիկական ունեցվածքը, որպես նվիրատվություն, փոխանցում են Հայաստանի պաշտպանության նախարարությանը։ Կառավարությունում գույքի հանձման և ընդունման նախագիծ է մշակվել։ Factor.am-ը տեղեկացավ, որ ՀՀ պաշտպանության նախարարությունը նպատակահարմար է գտնում նշված գույքի ընդունումը:
«Ռոյալսիս Էնջիներինգ» ընկերության սեփականատերը զենքի բիզնեսով զբաղվող Դավիթ Գալստյանն է, որն առավել հայտնի է «Պատրոն Դավո» մականվամբ։
Հիշեցնենք` Դավիթ Գալստյանն անցնում է, այսպես ասած, անպիտան հրթիռների գործով։ Նա գործի շրջանակներում կալանավորվել էր, ավելի ուշ ազատ արձակվել՝ 40 միլիոն դրամ գրավի դիմաց։ ՀՀ ԱԱԾ–ն տեղեկացրել էր, որ արտերկրում գրանցված «Mosston Engineering» ընկերության խորհրդի նախագահ Դավիթ Գալստյանը, նախնական համաձայնության գալով նույն ընկերության տնօրեն Ա.Բ.-ի հետ, 2018 թվականի ընթացքում ՊՆ–ին է մատակարարել 1983-1986թթ. արտադրության հրանոթի անորակ արկեր, որոնցով, ըստ ԱԱԾ–ի, հնարավոր չի եղել լուծել մարտական խնդիրներ, բայց որոնց դիմաց Գալստյանը 1.083.000 ԱՄՆ դոլար գումար է ստացել:
Գալստյանն այս մեղադրանքը չի ընդունում՝ նշելով, որ մատակարարել է պայմանագրով նշված սպառազինությունը։
Նարեկ Կիրակոսյան
