04.08.2026 | 22:42
Վերականգնվել է վթարի հետևանքով խափանված էլեկտրամատակարարումը․ ՏԿԵՆ
Դանակահարված Ռուբեն Գրիգորյանը տուժող է ճանաչվել
Հասարակություն
03.06.2025 | 15:40
Երևանի Շենգավիթ վարչական շրջանի քննչական բաժնի պետի տեղակալ Ռուբեն Գրիգորյանին դանակահարելու դեպքի առթիվ Քննչական կոմիտեում նախաձեռնվել է քրեական վարույթ։
«Հանդիսությունների սրահում տեղի ունեցած դանակահարության դեպքի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 3-րդ մասի՝ խուլիգանության հատկանիշներով։ Տուժող է ճանաչվել մեկ անձ»,- Factor TV-ի հարցմանն ի պատասխան ասաց ՔԿ մամուլի քարտուղար Կիմա Ավդալյանը՝ չմանրամասնելով տուժող ճանաչված անձի տվյալները։ Մեր տեղեկություններով, հենց Ռուբեն Գրիգորյանն է այդ անձը։
Հիշեցնենք՝ հունիսի 2-ին վիճաբանություն, ծեծկռտուք և դանակահարություն է տեղի ունեցել Երևանում: Ժամը 02:50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում և Երևանի քրեական վարչությունում օպերատիվ տեղեկություններ են ստացվել, որ Դավիթաշեն վարչական շրջանում գործող «Prime Hall» հանդիսությունների սրահում վիճաբանություն է տեղի ունեցել, որի ժամանակ քաղաքացի է դանակահարվել.
«Դեպքի վայրում հայտնաբերվել են արնանման հետքեր, դանակ, որի վրա նույնպես առկա է արնանման հետք: Նշված հանդիսությունների սրահում տեղի է ունեցել հարսանեկան արարողություն, վիրավորը փեսայի եղբայրն է եղել»,- նշում է shamshyan.com-ը։
Ռոզա Վարդանյան
