13.05.2026 | 20:49
Ադրբեջանում ձերբակալված ռուսներից երկուսը դատապարտվել են 3 տարվա ազատազրկման
Ռոսսելխոզնադզորը կարող է հունիսի 16-ից արգելել ՀՀ-ից ծաղիկների ներմուծումը
Տնտեսություն
03.06.2025 | 13:45
Ռոսսելխոզնադզորը կարող է հունիսի 16-ից արգելել ծաղիկների ներմուծումը երրորդ երկրներից Հայաստանով՝ դրանցում, իբր, կարանտինային օբյեկտների հայտնաբերման աճի պատճառով, գրում է Ինտերֆաքսը։
«Անհրաժեշտ արձագանքման միջոցառումների բացակայության և կարանտինային օբյեկտների հայտնաբերման շարունակման դեպքում Ռոսսելխոզնադզորը ստիպված կլինի 2025 թվականի հունիսի 16-ից սկսած ժամանակավոր սահմանափակումներ մտցնել Ռուսաստան ծաղկային արտադրանքի ներմուծման վրա ուղեկցվող երրորդ երկրներից հայկական բուսասանիտարական վկայականներով»,- հայտնել են ծառայությունից։
Ռոսսելխոզնադզորի տվյալներով՝ 2025 թվականին Հայաստանից կտրված ծաղիկների ներմուծումը կտրուկ աճել է. մինչ օրս ստուգվել է 52 միլիոն հատ, ինչը 49.7%-ով ավելի է, քան 2024 թվականի նույն ժամանակահատվածում, երբ ներմուծվել էր 34,7 միլիոն։ Արդյունքում հայտնաբերվել է արևմտյան ծաղկային տրիպսներով (Frankliniella occidentalis Pergande) ծաղիկների վարակման 13 դեպք։
«Բացի այդ, բազմիցս գրանցվել են կարանտինային օբյեկտների հայտնաբերման դեպքեր բուսական արտադրանքի այլ տեսակներում, ինչը վկայում է Հայաստանի կողմից արտահանվող արտադրանքի նկատմամբ վերահսկողության անարդյունավետ համակարգի մասին»,- ասվում է հայտարարության մեջ։
Նշվում է, որ այդ կապակցությամբ նամակ է ուղարկվել Հայաստանի Սննդի անվտանգության տեսչական մարմնին՝ խնդրանքով ձեռնարկել համապարփակ միջոցառումներ և ուժեղացնել մատակարարվող ապրանքների նկատմամբ վերահսկողությունը։
Թարգմանությունը՝ Էմմա Չոբանյանի
