Արամ Ղազարյանը նշանակվել է ՆԳՆ ոստիկանության պետ-ներքին գործերի նախարարի տեղակալ

ՀՀ վարչապետ Նիկոլ Փաշինյանի հունիսի 3-ի որոշմամբ՝ Արամ Ղազարյանը նշանակվել է ՆԳՆ ոստիկանության պետ-ներքին գործերի նախարարի տեղակալ։

«Ղեկավարվելով «Ոստիկանությունում ծառայության մասին» օրենքի 13-րդ հոդվածի 2-րդ մասով, «Հանրային ծառայության մասին» օրենքի 9-րդ հոդվածի 7-րդ մասով և «Կառավարչական իրավահարաբերությունների կարգավորման մասին»
օրենքի 11-րդ հոդվածի 6-րդ մասով՝ Արամ Ղազարյանին նշանակել ոստիկանության պետ-ներքին գործերի
նախարարի տեղակալ»,- ասված է որոշման մեջ։

Factor.am-ը ավելի վաղ տեղեկացրել էր, որ Լոռու մարզպետ Արամ Ղազարյանը հայտարարել է պաշտոնից հրաժարական  տալու և քաղաքական ու կուսակցական գործունեությունը դադարեցնելու մասին։

Արամ Ղազարյանի կենսագրությունը

Ծնվել է
10 մարտի 1972 թ., Շամշադինի շրջանի Ծաղկավան գյուղ

Կրթություն
1994 թ. ավարտել է Վանաձորի պետական մանկավարժական ինստիտուտը
1998 թ. ավարտել է ՌԴ Իվանտեևյան համալսարանը

Աշխատանքային գործունեություն
1994-1999 թթ. – Տավուշի մարզի Վարագավանի միջնակարգ դպրոցում՝ որպես քիմիայի և կենսաբանության ուսուցիչ
2000-2001 թթ. – Լոռվա միջազգային համալսարանում՝ որպես գիտական քարտուղար
2001-2003 թթ. – Վանաձորի ներքին գործերի բաժնի անչափահասների գործերով տեսուչ
2003-2007 թթ. – ՀՀ ոստիկանության Լոռու մարզային վարչության Վանաձորի բաժնի քրեական հետախուզության բաժանմունքի օպերլիազոր
2007-2008 թթ. – ՀՀ ոստիկանության Լոռու մարզային վարչության Վանաձորի բաժնի քրեական հետախուզության բաժանմունքի ավագ օպերլիազոր
2008-2012 թթ. – Ոստիկանության Լոռու մարզային վարչության քրեական հետախուզության բաժանմունքի պետ
2012-2014 թթ. – Լոռու մարզային վարչության պետի օպերատիվ գծով տեղակալ
2014-2015 թթ. – Ոստիկանության Տավուշի մարզային վարչության Դիլիջանի բաժնի պետ
2015-2016 թթ. – Լոռու մարզային վարչության Թումանյանի բաժնի պետ
2016-2016 թթ. – Ոստիկանության Լոռու մարզային վարչության Վանաձոր քաղաքի Բազումի բաժնի պետ
2016-2019 թթ. – Լոռու մարզային վարչության պետ
2019թ. – Գեղարքունիքի մարզային վարչության պետ
2019-2020 թթ. եղել է ՀՀ ոստիկանության կադրերի ռեզերվում
2020 թ. – Կոտայքի մարզային վարչության Կոտայքի բաժնի պետ
2020 թ. դեկտեմբերի 3-ից՝ ՀՀ ոստիկանության Շիրակի մարզային վարչության պետ
2023 թ. հունիսից՝ Տարածքային կառավարման և ենթակառուցվածքների նախարարության ենթակայությամբ գործող «Երևան ՋԷԿ» ՓԲԸ-ի գլխավոր տնօրեն
ՀՀ վարչապետի 2024թ. հունվարի 18-ի N 68-Ա որոշմամբ նշանակվել է Լոռու մարզպետ:

Այլ տվյալներ
Պարգևատրվել է ՀՀ ոստիկանության և այլ գերատեսչությունների մեդալներով և կրծքանշաններով։

Անձնական տվյալներ
Ամուսնացած է, ունի մեկ զավակ։