13.01.2026 | 11:55
Ռոնալդուի գոլն ու «Ալ Նասրի» 3-րդ անընդմեջ պարտությունը․ ՏԵՍԱՆՅՈՒԹ
Գրառման մասին հարցեր չեն հնչել. ուսանողը` Փաշինյանի հետ հանդիպումից հետո․ ՏԵՍԱՆՅՈՒԹ
Հասարակություն
02.06.2025 | 16:26
«Վարչապետ Նիկոլ Փաշինյանը եկել էր ԵՊՀ, հանդես էր գալիս բանախոսությամբ՝ իրական Հայաստանի գաղափարախոսության շուրջ»,- Մայր բուհում Նիկոլ Փաշինյանի հետ հանդիպումից հետո Factor TV-ի հետ զրույցում ասաց ուսանողներից Պապին Բաղդասարյանը։
«Ես հարց չեմ տվել, բայց հարցերը հնչել են իրական Հայաստանի գաղափարախոսության շուրջ»,- ասաց հանդիպման մասնակից ուսանողը։
Հստակեցնող հարցին՝ Փաշինյանի՝ վեջին օրերին եկեղեցականների վերաբերյալ աղմկահարույց գրառումների մասին հարց չի՞ հնչել, Պապին Բաղդասարյանն ասաց՝ ոչ, ուսանողները նման հարցեր չեն բարձրացրել։
«Յուրաքանչյուր ուսանող կարող էր հղել այն հարցերը, որոնք ցանկանում էր, քանի որ շփումն ազատ էր, բայց ուսանողությունը հիմնական հարցերը հղում էր բանախոսության թեմայի հետ կապված։ Բավականին դրական էր հանդիպումը»,- նշեց ուսանողը։
Նշենք, որ Փաշինյանը ԵՊՀ էր այցելել՝ մասնակցելու օպտիկայի և ֆոտոնիկայի լաբորատորիայի բացմանը, ապա՝ հանդիպելու ուսանողների հետ։ Նիկոլ Փաշինյանն ինչպես ԵՊՀ մտնելիս, այնպես էլ հեռանալիս հրաժարվեց պատասխանել լրագրողների հարցերին։
Մանրամասները՝ տեսանյութում։
Արփի Հակոբյան
