24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Ձերբակալվածի մոտ մարտական ատրճանակ է եղել․ Երևանի քրեական ոստիկանների բացահայտումը
Հասարակություն
02.06.2025 | 13:45
Երևանում ոստիկանները քաղաքացու են ձերբակալել, որի մոտ մարտական ատրճանակ, փամփուշտներ և ծալովի դանակ են հայտնաբերել․ տեղեկացնում են ՆԳՆ-ից։
«Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողները, իրացնելով ստացված օպերատիվ տեղեկությունները, մայիսի 29-ին՝ ժամը 14.30-ին, մայրաքաղաքի Բաբաջանյան փողոցում, զենք-զինամթերք ձեռք բերելու, պահելու և կրելու կասկածանքով ձերբակալել և վարչություն են տեղափոխել 53-ամյա մի տղամարդու։ Նրա խուզարկությամբ հայտնաբերվել են լիցքավորված մարտական ատրճանակ, մարտական փամփուշտներ և ծալովի դանակ։
Կազմված փաստաթղթերը ներկայացվել են նախաքննական մարմին, տղամարդը տեղափոխվել է ձերբակալվածների պահման վայր»,- ասված է ՆԳՆ-ի տարածած հաղորդագրությունում։
