05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
ԵՊՀ ռեկտորը` Փաշինյանի այցի մասին․ ՏԵՍԱՆՅՈՒԹ
Հասարակություն
02.06.2025 | 12:26
«Այսօր բացում ենք օպտիկայի և ֆոտոնիկայի լաբորատորիա»,- լրագրողների հետ զրույցում ասաց ԵՊՀ ռեկտոր Հովհաննես Հովհաննիսյանը:
Հենց այս միջոցառմամբ էլ պայմանավորված էր Փաշինյանի այցը Մայր բուհ՝ հարցին ի պատասխան ավելացրեց ռեկտորը։
Հովհաննիսյանը հերքեց լուրերը, թե ուսանողներին նախապես հարցեր են տրվել, որ հնչեցնեն վարչապետի հետ հանդիպմանը։ Ռեկտորը պնդեց՝ ուսանողներն ազատ են և կարող են հնչեցնել իրենց հետաքրքրող բոլոր հարցերը։ Հանդիպմանը, սակայն, մասնակցելու հնարավորություն են ունեցել այն ուսանողները, որոնց անունները ֆակուլտետներն են տրամադրել։
ԵՊՀ ռեկտորից՝ որպես աստվածաբանի, հետաքրքրվեցինք, թե ինչ կարծիքի է իշխանությունների կողմից եկեղեցին թիրախավորելու վերաբերյալ:
«Նման հարցերի չեմ պատասխանելու, որովհետեւ այսօր այլ առիթով ենք այստեղ։ Ես իրավունք ունեմ չպատասխանելու այդ հարցին և չեմ պատասխանում: Ես այստեղ եմ որպես ռեկտոր և ոչ թե որպես աստվածաբան»,- ասաց Հովհաննես Հովհաննիսյանը:
Նշենք, որ լաբորատորիայի բացումից հետո Նիկոլ Փաշինյանը դասախոսություն է ունեցել ԵՊՀ-ում, որը լրատվամիջոցների համար լուսաբանման ենթակա չէր։
Մանրամասները՝ տեսանյութում։
Արփի Հակոբյան
