04.06.2026 | 15:18
ՌԴ ԱԳՆ-ն Հայաստանից ապրանքների ներմուծման սահմանափակումները բացատրել է բուսասանիտարական նորմերով
Ինչպես է Ալեն Սիմոնյանը ծախսում ԱԺ նախագահին հասանելիք 50 մլն դրամը
Տնտեսություն
02.06.2025 | 12:34
Նախորդ ամիս խորհրդարանում քննարկվեց ՀՀ գլխավոր դատախազի տարեկան զեկույցը։ Ընդդիմադիր պատգամավոր Թագուհի Թովմասյանը հայտարարեց, որ ԱԺ աշխատակազմի կատարած որոշ գնումներ թափանցիկության խնդիր ունեն։
«Հանրային հաշվետվողականություն չկա, «Մանկան» խանութ-սրահից գնումներ է իրականացնում ԱԺ-ն իր կարիքների համար, օրորոցային շնիկ, փափուկ խաղալիք, խաղալիք տիկնիկ և այլ գնումներ է անում։ Չկա թափանցիկություն»,-ասել էր «Պատիվ ունեմ» խմբակցության պատագամվորը։
Ալեն Սիմոնյանն արձագանքել էր պատասխան ելույթով․ «ԱԺ նախագահն ունի X քանակով բյուջե, որը պետության կողմից տրամադրված է։ Նախագահն իր որոշումով օգտագործում է։ Դա մեր կողմից բերված չի եղել, դա կա ԱԺ-ի ստեղծման սկզբից։ Այդ բյուջեից ես բազմաթիվ գումարներ եմ ծախսել, վճարել եմ շատ մարդկանց վիրահատության համար, շատ անապահով ընտանիքներ դիմել են, որոնց օգնություն եմ տրամադրել։ Հետաքրքրվե՛ք, դրա հաշվետվությո՛ւնը ստացեք»։
Factor.am-ը գրավոր հարցմամբ դիմել էր ԱԺ աշխատակազմին՝ խնդրելով տրամադրել տեղեկություններ, թե որքան է կազմում ԱԺ նախագահի համար նախատեսված բյուջեն և որ ուղղություններով է այն ծախսվել։ ԱԺ աշխատակազմից փոխնցել են, որ ԱԺ նախագահը կարող է ունենալ պահուստային ֆոնդ տարեկան ոչ ավելի քան 50 մլն դրամը։ «2025 թվականի ընթացքում ԱԺ նախագահ Ալեն Սիմոնյանի հայեցողությամբ պահուստային ֆոնդից գումարներ են հատկացվել առողջապահական, կրթական և սոցալական ուղղություններով»,- նշված է գրավոր պատասխանում։
Ուշագրավ է, որ չնայած թափանցիկության մասին Ալեն Սիմոնյանի կոչերին՝ ԱԺ աշխատակազմը ճիշտ հակառակն է անում և մանրամասն հաշվետվություն չի տրամադրում ծախսված գումարների վերաբերյալ։
Նարեկ Կիրակոսյան
