15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Խոզնավարում կրկին կրակոցներ են հնչել
Քաղաքականություն
31.05.2025 | 12:29
Սյունիքի մարզի Խոզնավար գյուղում այսօր կրկին կրակոցներ են հնչել։ Տեղեկությունը Factor TV-ի հետ զրույցում հաստատեց վարչական ղեկավար Վահան Զաքյանը. «Գիշերը մի 7-8 հատ կրակոց ա եղել ամեն օրվա պես»։
FactorTV-ի հարցին՝ բնակիչները և տները վնասներ կրե՞լ են կրակոցներից, Զաքյանը բացասական պատասխան տվեց. «Վերև են կրակել։ Գյուղում վախեցած չեն, անհանգստություն չկա»։
Հիշեցնենք՝ արդեն տևական ժամանակ է ադրբեջանական կողմն անկանոն, երբեմն գյուղի ուղղությամբ կրակոցներ է արձակում։ Պաշտպանության նախարարությունը երեկ հաղորդագրություն էր տարածել, որ մայիսի 30-ին՝ ժամը 00:10-01:00-ն ընկած ժամանակահատվածում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տան սանհանգույցը, և խոցվել է մեկ մանր եղջերավոր կենդանի։
Ռոզա Վարդանյան
