01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Սամվել Շահրամանյանը հարցաքննվել է վկայի կարգավիճակով․ փաստաբան
Քաղաքականություն
30.05.2025 | 17:40
Արցախի նախագահ Սամվել Շահրամանյանը հարցաքննվել է Քննչական կոմիտեում քննվող քրեական վարույթի շրջանակներում, Factor TV-ի հարցին ի պատասխան ասաց ՔԿ մամուլի խոսնակ Կիմա Ավդալյանը։
Մեր տեղեկություններով, սակայն, Շահրամանյանը ոչ թե այսօր, այլ մի քանի օր առաջ է հարցաքննվել։ Շահրամանյանի փաստաբան Ռոման Երիցյանը մեր հարցին ի պատասխան միայն ասաց, որ նա հարցաքննվել է որպես վկա։ Փաստաբանը հրաժարվեց այլ մանրամասներ հայտնել։
Factor TV-ի տեղեկություններով՝ Շահրամանյանը մեղադրյալի դատավարական կարգավիճակ չունի: Արցախի նախագահը վկայի դատավարական կարգավիճակով հարցաքննվել է թշնամուն ռազմաթերք հանձնելու և պատերազմի ժամանակ զինվորական անփութության քրգործի շրջանակներում։
Նշենք, որ Armlur.am-ը գրել է, որ Շահրամանյանը 5-6 անգամ հարցաքննության է հրավիրվել ՀՀ Քննչական կոմիտեի զինվորական քննչական գլխավոր վարչություն և չի բացառվում, որ կալանավորեն նրան։
Արփի Հակոբյան
