05.10.2026 | 23:19
Փաշինյանը նոր նշանակումներ է արել
Նորատուսում գայլերը 75 գառ ու ոչխար են հոշոտել
Հասարակություն
29.05.2025 | 12:10
Գեղարքունիքի մարզի Նորատուս գյուղում ժամը 01։30-ի սահմաններում գայլերը հոշոտել են գյուղի բնակիչ Արայիկ Հայրապետյանի ընտանիքին պատկանող ոչխարների հոտը։ Տեղեկությունը Factor.am-ի հետ զրույցում հաստատեց Նորատուսի գյուղապետ Անդրանիկ Գրիգորյանը։
«75 գառ ու ոչխար են հոշոտել գայլերը, երևի մի քանի գայլ են եղել, մի գայլն այդքանին չէր կարող հոշոտել։ Մեծ ընտանիք է, իրենց աշխատանքը դա էր, այն էլ կոտորվել են»,- ասաց գյուղապետը։
Գրիգորյանի խոսքով՝ անցած տարի գայլերը նույն ընտանիքին պատկանող շուրջ 20 ոչխար են հոշոտել։ Համայնքային հանձնաժողովը քննարկել է իրավիճակը ընտանիքին աջակցման տարբերակներ գտնելու համար։
Անի Թամրազյան
