25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Մարատ Սևոյանը Նոր Նորք վարչական շրջանի ղեկավար է նշանակվել
Քաղաքականություն
29.05.2025 | 11:33
Երևանի քաղաքապետ Տիգրան Ավինյանի որոշմամբ Նոր Նորք վարչական շրջանի ղեկավար է նշանակվել Մարատ Սևոյանը։ Այս մասին գրառմամբ տեղեկացնում է Երևանի քաղաքապետարանի խոսնակ Հայկ Կոստանյանը։
Հավելենք, որ Մարատ Սևոյանը «Հանրապետություն» կուսակցությունից է։ Երբ մայիսի 15-ին մամուլը գրեց, որ Տիգրան Տեր-Մարգարյանը հրաժարականի դիմում է ներկայացրել, պարզ դարձավ, որ նախորդ օրը Մարատ Սևոյանը նշանակվել էր վարչական շրջանի ղեկավարի տեղակալ։ Տևական ժամանակ «Հանրապետություն» կուսակցությունում քննարկում էին՝ ում նշանակել թաղապետի պաշտոնում։ Ի վերջո, ընտրությունը կանգ առավ Սևոյանի վրա։
Նախկին թաղապետ Տիգրան Տեր-Մարգարյանը ևս «Հանրապետություն» կուսակցությունից էր։
Հիշեցնենք՝ նա թաղապետարանում ակտիվիստ Արթուր Չախոյանին ծեծելուց 20 օր անց հայտնեց պաշտոնից հրաժարվելու մասին։ Չնայած դրան՝ Factor TV-ի հարցին ի պատասխան ասել էր, որ չի զղջում Չախոյանին ծեծելու համար։
Արփի Հակոբյան
