05.10.2026 | 23:19
Փաշինյանը նոր նշանակումներ է արել
Գյումրիում բնակարանային գողություններ արած տղամարդը կալանավորվել է
Հասարակություն
29.05.2025 | 11:45
Քրեական ոստիկանության Շիրակի մարզային վարչության ծառայողները ստացել էին բնակարանային գողության վերաբերյալ օպերատիվ տեղեկություն, և մայիսի 21-ին վարչություն հրավիրել ենթադրյալ տուժածին․ հայտնում են ՆԳՆ-ից։
«Գյումրիի Երևանյան խճուղու բնակիչն ընդունեց, որ մոտ երկու ամիս առաջ օգտվել են իր տան դուռը բաց լինելու և իր բացակայության հանգամանքից, մտել բնակարան ու գողացել են մեկ բնանկար և մեկ դիմաքանդակ:
Հետագա միջոցառումներով պարզվեց, սակայն, որ սա նույն անձի, նույն վայրից, նույն նպաստավոր պայմաններում կատարված միակ գողությունը չէ: Տանտիրոջ բացակայությամբ և բաց դռնով Գյումրու 50-ամյա բնակիչը մտել ու գողացել էր ևս մեկ նկար, նաև հագուստ ու այլ կենցաղային իրեր:
Ու սա էլ դեռ բոլորը չէր: Մեկ ուրիշ անգամ էլ, նույն հանգամանքներում, տղամարդը գողացել էր կենցաղային իրեր ու տանտիրոջ փաստաթղթերը:
Շիրակի մարզային քննչական վարչությունում նախաձեռնված քրեական վարույթի շրջանակում խուզարկություն է կատարվել 50-ամյա տղամարդու տանը: Դիմաքանդակը, բնանկարները, տուժածի փաստաթղթերն ու գողացված որոշ կենցաղային իրեր հայտնաբերվել են:
50-ամյա գյումրեցին կալանավորվել ու տեղափոխվել է քրեակատարողական հիմնարկ։
Հանգամանքները նախաքննությամբ պարզվում են»,- ասված է հաղորդագրությունում։
