16.01.2025 | 13:07
«Ինձ ասել են` «Զարյա-3» կիրառվել է, թե` ոչ, չեմ կարող բացահայտել». ՄԻՊ․ ՏԵՍԱՆՅՈՒԹ
Նախարարը գազի գնի նվազեցման մասին խոսելը վաղ է համարում
Քաղաքականություն
10.10.2018 | 13:15
Էներգետիկ ենթակառուցվածքների և բնական պաշարների նախարար Գարեգին Բաղրամյանն այն համոզմանն է, որ դեռ վաղ է գազի գնի նվազման մասին խոսելը։
Այս մասին այսօր կառավարության նիստի մեկնարկից առաջ լրագրողների հետ զրույցում ասաց նորանշանակ նախարարը՝ նշելով, որ այն բանից հետո, երբ իրենք կունենան հաշվեկշիռներ և կանխատեսումներ, այն ժամանակ էլ հնարավոր կլինի խոսել գազի գնի նվազեցման պոտենցիալի մասին։
«Եթե խոսում ենք 2019 թվականին գազի գնի նվազեցման հնարավորությունների մասին, երբ կունենանք հաշվեկշիռները, կանխատեսումները, փոխարժեքի կանխատեսումները, գազի գնի հնարավոր մեծությունը, այն ժամանակ հնարավոր կլինի խոսել գազի գնի նվազեցման պոտենցիալի մասին»,–նշեց նորանշանակ նախարարը։
