06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Թանկարժեք ժամացույց և կենսաթոշակ Ռուսաստանից․ ինչ են հայտարարագրել Արմեն Կոտոլյանն ու մայրը
27.05.2025 | 10:25
Շուկայի վերահսկողության տեսչական մարմնի ղեկավար Արմեն Կոտոլյանն անցած տարի ունեցել է մոտ 16․5 մլն դրամ եկամուտ, այդ թվում՝ 13․5 մլն դրամ աշխատավարձ, 144 հազար դրամ այլ եկամուտ «Ինեկոբանկից», 2․8 մլն դրամ ՊԵԿ-ից եկամտահարկի վերադարձ։
Ըստ նրա գույքի և եկամուտների հայտարարագրի՝ Կոտոլյանի բանկային հաշվին տարեվերջին եղել է 8․3 մլն դրամ, կանխիկ հայտարարագրել է 2000 դոլար և 4 մլն դրամ։
Նա ունի 2 հողամաս Ջրվեժում, որ գնել է 2020 թվականին, «Կոմիտաս պարկ» բնակելի համալիրի կառուցապատող «Օրդ Դեվելոփմենթ» ընկերությանը 27․5 մլն դրամ 2 փոխառություն է տվել բնակարանի գնման իրավունքի համար, և 3․8 մլն դրամ՝ ավտոկայանատեղիի համար։ Կոտոլյանի հիփոթեքային վարկի մայր գումարի մնացորդը 26․7 մլն դրամ է։
Նա 2005-ին ժառանգություն է ստացել 4 մլն դրամը գերազանցող թանկարժեք ժամացույց:
Տեսչական մարմնի ղեկավարը «Քաղաքացիական պայմանագիր» կուսակցության անդամ է, ամուսնացած չէ։
Հայտարարագիր է ներկայացրել նաև Կոտոլյանի մայրը՝ Ռուզաննա Կոտոլյանը։ Նա ՌԴ քաղաքացի է, որտեղից ստացել է 214 հազար ռուբլի կենսաթոշակ, և աշխատում է «Հարավկովկասյան երկաթուղի» ՓԲ ընկերւթյունում, որտեղից ստացել է 3 մլն դրամ աշխատավարձ։
Ռուզաննա Կոտոլյանը բանկային հաշիվներին ունեցել է 805 ռուբլի և 109 հազար դրամ։
Նա բնակարան ունի Երևանի Նոր Նորք վարչական շրջանում, հողամաս և հողին ամրակայված շինություն՝ Կոտայքի Մեղրաձոր համայնքում։
