01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
«Կրասնոդարն» առաջին անգամ նվաճեց Ռուսաստանի չեմպիոնի տիտղոսը
Հասարակություն
25.05.2025 | 15:08
«Կրասնոդարն» առաջին անգամ նվաճեց ֆուտբոլի Ռուսաստանի չեմպիոնի տիտղոսը։ Վերջին տուրում Մուրադ Մուսաևի գլխավորած թիմը տանը 3:0 հաշվով պարտության մատնեց Մոսկվայի «Դինամոյին» և 67 միավորով զբաղեցրեց առաջին տեղը։
«Կրասնոդարի» կազմում ոսկե մեդալակիր դարձավ նաև Հայաստանի հավաքականի կիսապաշտպան Էդուարդ Սպերցյանը, որը «Դինամոյի» դեմ խաղում դարձավ գոլի և գոլային փոխանցման հեղինակ։
Սանկտ Պետերբուրգի «Զենիթը» վերջին տուրում 3:0 հաշվով հաղթեց Գրոզնիի «Ախմատին» և 66 միավորով գրավեց երկրորդ տեղը։
Տիտղոսը նվաճելուց հետո Սպերցյանը խոսել է կարիերան Եվրոպայում շարունակելու ցանկության մասին․ «Տեսնենք, կխաղա՞մ հետագայում «Կրասնոդարում»։ Գաղտնիք չէ, որ ցանկանում եմ ուժերս փորձել Եվրոպայում։ Հիմա կարելի է գնալ Եվրոպա»։
Սպերցյանը «Կրասնոդարի» սան է, գլխավոր թիմում հանդես է գալիս 2018 թվականից։ 24-ամյա ֆուտբոլիստը «Կրասնոդարում» մասնակցել է 143 հանդիպման, խփել է 44 գոլ, կատարել 32 գոլային փոխանցում։
