15.02.2026 | 13:44
«Շատ կտրուկ քայլեր անելը սխալ է»․ Ալեն Սիմոնյանը՝ ռուսական 102-րդ ռազմաբազան ՀՀ-ից հանելու մասին
Արմեն Գրիգորյանը չի մասնակցի Մոսկվայում անվտանգության հարցերով միջազգային հանդիպմանը. ԱԽ գրասենյակը հայտնել է պատճառը
Քաղաքականություն
24.05.2025 | 11:10
ՀՀ անվտանգության խորհրդի քարտուղար Արմեն Գրիգորյանը չի մասնակցի մայիսի 27-29-ը Ռուսաստանի Դաշնության մայրաքաղաք Մոսկվայում անցկացվելիք Անվտանգության հարցերով պատասխանատու բարձր ներկայացուցիչների 13-րդ միջազգային հանդիպմանը։ Այս մասին «Արմենպրես»-ի հարցմանն ի պատասխան տեղեկացրել են խորհրդի գրասենյակից։
«Մայիսի 28-ին, Հանրապետության տոնին նվիրված միջոցառումներին մասնակցելու պատճառով ՀՀ ԱԽ քարտուղարը չի մասնակցի Մոսկվայում կայանալիք հանդիպմանը»,- հայտնեցին ԱԽ գրասենյակից։
Նշենք, որ ՌԻԱ Նովոստին, հղում անելով ՌԴ-ում Հայաստանի դեսպանատանը, հայտնել է, որ Մոսկվայում անվտանգության հարցերով պատասխանատու բարձրաստիճան ներկայացուցիչների հանդիպմանը Հայաստանը ներկայացնելու է դեսպան Գուրգեն Արսենյանը։
