15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Փաշինյանը հաստատեց․ Եվրոպական քաղաքական համայնքի 8-րդ գագաթնաժողովը կկայանա Հայաստանում
Քաղաքականություն
23.05.2025 | 17:41
Եվրոպական քաղաքական համայնքի 8-րդ գագաթնաժողովը տեղի կունենա Հայաստանում՝ 2026 թվականի գարնանը: Այս մասին հայտնել է վարչապետ Նիկոլ Փաշինյանը։
«Պատիվ է Եվրոպական քաղաքական համայնքի առաջնորդներին ընդունել մեր երկրում եւ շնորհակալություն եմ հայտնում բոլոր առաջնորդներին՝ այս որոշմանն աջակցելու համար»,- ֆեյսբուքյան էջում գրել է Փաշինյանը։
Հիշեցնենք` այս մասին ավելի վաղ գրել էր Factor.am-ը։ Մասնավորապես նշել էինք, որ Տիրանայում գտնվող Փաշինյանը եվրոպացի գործընկերների հետ քննարկում է գագաթնաժողովը Երևանում անցկացնելու տարբերակը։
Այս միջոցառման անցկացումը ՀՀ-ում քննադատել է պաշտոնական Մոսկվան։ Աշխատանքային այցով Երևանում գտնվող Սերգեյ Լավրովը դա գնահատել էր ոչ դաշնակցային որոշում ՌԴ-ի նկատմամբ։
Միաժամանակ, Եվրոպական խորհրդի նախագահ Անտոնիո Կոշտան հայտարարել է, որ 2028 թվականին Եվրոպական քաղաքական համայնքի գագաթնաժողովը կանցկացվի Ադրբեջանում։
«Տիրանայում կայացած հաջող գագաթնաժողովից հետո Եվրոպական քաղաքական համայնքը կրկին կհանդիպի 2025 թվականի հոկտեմբերին Կոպենհագենում: Եվրոպական քաղաքական համայնքը դարձել է կարևոր ֆորում՝ առաջնորդների մակարդակով համաեվրոպական քաղաքական երկխոսության համար»,- նշել է նա։
Եվրոպական քաղաքական համայնքի գագաթնաժողովները կանցկացվեն 2026 թվականին՝ Հայաստանում և Իռլանդիայում, 2027 թվականին՝ Շվեյցարիայում և Հունաստանում, իսկ 2028 թվականին՝ Ադրբեջանում և Լատվիայում։
