14.05.2026 | 11:07
Արսեն Հարությունյանը RAF-ում նորամուտը կնշի օլիմպիական չեմպիոնի դեմ գոտեմարտով
Ձեզ բոլորը ճանաչում են, բայց կարգն է այդպես. դատավորը՝ Սերժ Սարգսյանի ինքնությունը ճշտելիս․ ՏԵՍԱՆՅՈՒԹ
Հասարակություն
21.05.2025 | 17:18
Հակակոռուպցիոն դատարանում՝ նախագահությամբ դատավոր Արամ Գրիգորյանի, ընթանում է Հայաստանի երրորդ նախագահ Սերժ Սարգսյանի վերաբերյալ քրեական գործի քննությունը, որը վերաբերում է Սարգսյանի՝ Պաշտպանության նախարար եղած ժամանակ Իսակովի պողոտայում գտնվող հողատարածքներն օտարելուն: Ըստ դատախազությանը՝ այս հատվածում հողերն օտարվել են ուղղակի վաճառքով և ոչ թե աճուրդով՝ շուկայականից անհամեմատ ցածր գնով: Այսօրվա նիստին դատավորը մեղադրյալների ինքնությունը ճշտեց: Երբ Սարգսյանը պետք է ներկայացներ իր ինքնությունը, դատավորը նշեց, թե նրան բոլորը ճանաչում են:
«Պարո՛ն Սարգսյան, Ձեզ բոլորը ճանաչում են, բայց կարգն է այդպես»,- ասաց դատավոր Արամ Գրիգորյանը:
Սերժ Սարգսյանը նշեց, որ այժմ ապրում է Ջրվեժում, իսկ երբ պետք է նշեր կոնկրետ հասցեն, շրջվելով դեպի դահլիճը, հարցրեց՝ Ազատությա՞ն, թե՞ Անկախության փողոց: Դատավորն արձագանքեց, որ դատական գործում Անկախության փողոց է նշված: Սարգսյանը հայտնեց, որ չի աշխատում, առողջական խնդիրներ չունի: Այսօր Սերժ Սարգսյանի շահերի պաշտպանության համար երկրորդ փաստաբան է ներգրավվել գործին, նա խնդրեց հետաձգել նիստը, որպեսզի ծանոթանա գործին և նիստը հետաձգվեց:
Արաքս Մամուլյան
