03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Որևէ ճնշում չի եղել, հերքում եմ․ Տաճատ Վարդապետյանը՝ ռեպրեսիաների ենթարկվելու մասին
Քաղաքականություն
09.10.2018 | 19:38
Ազգային ժողովի ՀՀԿ-ական պատգամավոր Տաճատ Վարդապետյանը պնդում է, որ արտահերթ խորհրդարանական ընտրությունների անցկացման համար մեկնարկած ստորագրահավաքին միացել է կամավոր․
«Որևէ պարտադրանք կամ չճնշում չի եղել, ես հերքում եմ այդ տեղեկությունը, ստորագրահավաքին միացել եմ սեփական կամքով»,-Factor.am-ին փոխանցեց պատգամավորը։
Հիշեցնենք, որ այսօր ավելի Ազգային ժողովի «Հանրապետական» խմբացության պատգամավոր Արմեն Աշոտյանը լրագրողների հետ զրույցում, անդրադառնալով արտահերթ խորհրդարանական ընտրությունների համար մեկնարկած ստորագրահավաքին հանրապետականների միացմանը, նշեց, որ ՀՀԿ-ական իր գործընկերների նկատմամբ ճնշումներ են գործադրվել։
«Իմ գործընկերներից մի շարք պատգամավորների նկատմամբ, իմ ունեցած տեղեկություններով, եղել են ճնշումներ, գործադրվել է պետական ռեպրեսիվ ապարտը, իսկ որոշ պատգամավորների վրա էլ ճնշումներ են եղել անգամ արտերկրից»,-նշել է ՀՀԿ-ական պատգամավորը՝ չհնչեցնելով, սակայն, ռեպրեսիայի ենթարկված գեթ մեկ պատգամավորի անուն։
