23.04.2026 | 13:32
Չեմ պատկերացնում որևէ ընտանիք, որտեղ որևէ կարևոր իրադարձություն շրջանցում է խորովածը․ Փաշինյան․ ՏԵՍԱՆՅՈՒԹ
Թեհրանը թույլ չի տա ոտնձգություն հայ-իրանական սահմանի նկատմամբ․ Իրանի պաշտպանության նախարար
Քաղաքականություն
21.05.2025 | 11:33
Իրանի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեն, որը պաշտոնական այցով Հայաստանում է, տարածքային ամբողջականության և տարածաշրջանային սահմանների կայունության պահպանումը անվանել է Թեհրանի քաղաքականության անփոփոխ սկզբունքներից մեկը։
Mehr-ի հաղորդմամբ՝ ՀՀ պաշտպանության նախարար Սուրեն Պապիկյանի հետ հանդիպման ժամանակ Նասիրզադեն ընդգծել է երկու երկրների միջև հարաբերությունների ռազմավարական կարևորությունը և նշել, որ Հայաստանը հատուկ տեղ է զբաղեցնում Իրանի հարևանության քաղաքականության մեջ։ Նա տարածքային ամբողջականության և տարածաշրջանային սահմանների կայունության պահպանումը համարել է Իրանի քաղաքականության անփոփոխ սկզբունքներից մեկը։
Նասիրզադեն նաև հայտարարել է, որ Իրանի և Հայաստանի միջև ընդհանուր սահմանը երկու ժողովուրդների միջև պատմական հաղորդակցության ուղի է, և Թեհրանը թույլ չի տա որևէ ոտնձգություն այդ սահմանի նկատմամբ։
Հիշեցնենք, որ նախօրեին տեղի էր ունեցել Հայաստանի ու Իրանի պաշտպանության նախարարների հանդիպումը։
Թարգմանությունը՝ Էմմա Չոբանյանի
