04.08.2026 | 21:56
Չեմպիոնների լիգա․ «Արարատ-Արմենիան» կամային հաղթանակ տարավ «Ցելյեի» նկատմամբ. ՏԵՍԱՆՅՈՒԹ
Դատավոր Մասիս Մելքոնյանի և Գագիկ Պողոսյանի վերաբերյալ կարգապահական գործերը ԲԴԽ-ում են
Հասարակություն
20.05.2025 | 17:03
Երևանի քրեական դատարանի դատավորներ Մասիս Մելքոնյանի և Գագիկ Պողոսյանի վերաբերյալ կարգապահական գործերը ԲԴԽ-ում են։ Հունիսի 9-ին երկու գործով էլ դատական նիստ է նշանակվել։
Նշենք, որ դատավորներին կարգապահական պատասխանատվության ենթարկելու միջնորդություններով ԲԴԽ է դիմել Դատավորների էթիկայի և կարգապահական հարցերի հանձնաժողովը։
Գագիկ Պողոսյանի վերաբերյալ վարույթը, Factor TV-ի տեղեկություններով, վերաբերում է գործի երկարատև քննությանը։ Ըստ կարգապահական գործի՝ դատավորը երեք անձի մահվան ելքով ավտովթարի գործը քննել է այնքան, մինչև անցել է մեղադրյալին պատասխանատվության ենթարկելու վաղեմության ժամկետը։
Մասիս Մելքոնյանի վերաբերյալ կարգապահական գործի համաձայն դատավորը մեղադրյալին հարցաքննությունից առաջ չի ծանոթացրել իրավունքներին, այդ թվում՝ տեղյակ չի պահել նրա` լռելու իրավունքի մասին։
Արաքս Մամուլյան
