12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Խուզարկություն և ձերբակալություն` Երևանի քաղաքապետարանում
Հասարակություն
20.05.2025 | 10:19
Factor.am-ի տեղեկություններով` Հակակոռուպցիոն կոմիտեն խուզարկություն է իրականացնում Երևանի քաղաքապետարանի երկրորդ մասնաշենքում: Գործողություներն իրականացվում են Հասարակական կարգի պահպանության ծառայությունում: Մեր տեղեկություններով` կաշառքի գործով մեկ անձ ձերբակալվել է: Հակակոռուպցիոն կոմիտեից պարզաբանում ենք խնդրել, սպասում ենք պատասխանի: Ստանալուն պես կհրապարակենք: Երևանի քաղաքապետի մամուլի խոսնակ Հայկ Կոստանյանն էլ Factor․am-ին հայտնեց, որ տեղեկություն չունի:
Հիշեցնենք, որ փետրվարի սկզբին ձերբակալվել էր նույն վարչության պետը` Արամ Գյուլզադյանը: Բացի նրանից, ձերբակալվել էին նաև 2018 թվականին Երևանի քաղաքապետարանի աշխատակազմի քաղաքաշինության և հողի վերահսկողության վարչության պետի պաշտոնը զբաղեցրած փաստաբան Ռոբերտ Դարբինյանը, այդ ժամանակ նրա տեղակալի պաշտոնը զբաղեցրած Արամ Այվազյանը, նաև այլ ներկա և նախկին պաշտոնյաներ: Այդ գործով, ըստ Հակակոռուպցիոն կոմիտեի, ավելի քան 10 մեղադրյալ կա, բայց վարույթն իրականացնող մարմինն անուններ չի նշում:
Արփի Հակոբյան
