08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
Առաջարկվում է Երևանում 2 փողոց անվանակոչել
Հասարակություն
18.05.2025 | 11:40
Երևանի ավագանու մայիսի 20-ի նիստի օրակարգում են փողոցներ անվանակոչելու մասին հարցերը։ Նախագծերից մեկը ներկայացրել է «Հանրապետություն», մյուսը՝ «Քաղաքացիական պայմանագիր» խմբակցությունը։
«Հանրապետություն»-ն առաջարկում է Երևան քաղաքի Դավթաշեն վարչական շրջանի 5-րդ փողոցը (սկսվում է Երևանի Ա.Մանուկյանի անվան հ.93 միջնակարգ դպրոցից հասնում հ.46 հասցեի հարակից տարածք), անվանակոչել ազատամարտիկ, ռազմական գործիչ Աշոտ Մանուկյանի անվամբ՝ «Աշոտ Մանուկյան» փողոց:
ՔՊ-ն առաջարկում է Երևան քաղաքի Աջափնյակ վարչական շրջանի Սիլիկյան 4-րդ փողոցը՝ նրբանցքով (սկսվում է Սիլիկյան 5-րդ փողոցից, հասնում՝ Սիլիկյան հին խճուղի), անվանակոչել հայ հոգևոր երգիչ, մանկավարժ Խորեն Պալյանի անվամբ` «Խորեն Պալյան փողոց», «Խորեն Պալյան փողոց, 1-ին նրբանցք»:
Հարցերը չզեկուցվող են։
