01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Tesla-ն դուրս է եկել ճանապարհի երթևեկելի հատվածից և շրջվել ջրատարը
Հասարակություն
18.05.2025 | 11:09
Մայիսի 17-ին, ժամը 21:13-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Խարբերդ գյուղի գերեզմանատան մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։
Փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Խարբերդ գյուղի գերեզմանատան մոտակայքում Tesla մակնիշի ավտոմեքենան դուրս է եկել ճանապարհի երթևեկելի հատվածից և շրջվել ջրատարը։
Մինչ փրկարարների կանչի վայր հասնելը՝ Tesla մակնիշի ավտոմեքենայից տեղի ուժերով դուրս է բերվել երկու քաղաքացի․ վերջիններս տեղափոխվել են բժշկական կենտրոն:
Փրկարարները պարեկային ծառայության աշխատակիցների հետ համատեղ հատուկ տեխնիկայի միջոցով Tesla մակնիշի ավտոմեքենան դուրս են բերել ջրատարից:
