21.12.2025 | 12:17
Պակիստանի նախկին վարչապետ Իմրան Խանը և նրա կինը դատապարտվել են 17 տարվա ազատազրկման
Ֆրանսիայի «Ազգային արժանիքի շքանշանի ասպետ»․ Մակրոնը պարգևատրել է Ֆրանսաբնակ հայազգի բանաստեղծ Կարեն Խուրշուդյանին
17.05.2025 | 12:34
Ֆրանսաբնակ հայազգի բանաստեղծ Կարեն Խուրշուդյանը Ֆրանսիայի նախագահ Էմանուել Մակրոնի որոշմամբ արժանացել է Ֆրանսիայի «Ազգային արժանիքի շքանշանի ասպետ» պարգևին։
«Քիչ առաջ տեղեկացա, որ նախագահ Էմանուել Մակրոնի որոշմամբ դարձել եմ Ֆրանսիայի «Ազգային արժանիքի շքանշանի ասպետ»։
Կարծում եմ, այս պատվին են արժանացել իմ բազում ոգորումներն ու նվիրումը, մասնավորապես՝ հայոց լեզվի, առաքելական եկեղեցու, հայ մշակույթի և մեր ինքնության պաշտպանությունը …
«Դե ե՛կ վարդապետ ու մի խենթանա», Ֆրանսիան է պարգևատրում հայ ազգային, եկեղեցական և մշակութային արժեքների, հայի ինքնության պաշտպանության համար։
Ո՞վ կարող էր պատկերացնել, որ 2005 թվականին ժամանած մի «օտարական» բանաստեղծ, 2025-ին կդառնար պատմության մեջ առաջին Ֆրանսիայում հաստատված հայաստանցի հայը, որը կպարգևատրվեր Ֆրանսիայի Ազգային Արժանիքի ասպետի բարձր պետական շքանշանով…
Խորին երախտագիտությունս Ֆրանսիայի Հանրապետությանն այս բացառիկ կոչմանն ինձ արժանացնելու համար։
Ես էլ իմ հերթին, այն նվիրում եմ բոլոր նրանց ովքեր ինձ ուղեկցեցին այս պատվավոր բարձունքը՝ Ֆրանսիայի պատմության ոսկե էջերում իմ անունն էլ ամրագրելու համար։
Շնորհակալ եմ Պարոն Նախագահ:
Շնորհակալ եմ Պարոն Վարչապետ:
Շնորհակալ եմ Ձեզ՝ բոլորիդ»,- գրառմամբ տեղեկացրել է Խուրշուդյանը։
