14.07.2026 | 13:47
Ալբանիան պատրաստ է Հայաստանի հետ կիսել ԵՄ ինտեգրման իր փորձը
Դավիթ Խուդաթյանը նոր ավտոմեքենա է գնել
Հասարակություն
17.05.2025 | 16:00
Տարածքային կառավարման և ենթակառուցվածքների նախարար Դավիթ Խուդաթյանն անցած տարի սեպտեմբերին 8,5 մլն դրամով գնել է TOYOTA մակնիշի ավտոմեքենա (արտադրությունը՝ 2020 թվական)։
Ըստ Խուդաթյանի գույքի և եկամուտների հայտարարագրի՝ նա 2019-ից բնակարան ունի Երևանի Քանաքեռ-Զեյթուն վարչական շրջանում։
2024-ի տարեվերջին նրա բանկային հաշվին եղել է մոտ 2,8 մլն դրամ, կանխիկ ունեցել է 4,1 մլն դրամ։ 2024-ին Խուդաթյանի եկամուտը կազմել է 16,7 մլն դրամ, որից մոտ 12 մլն դրամն աշխատավարձ է Արմավիրի մարզպետարանից, 1,1 մլն դրամը՝ աշխատավարձ Արմավիրի համայնքապետարանից, 3,6 մլն դրամը՝ աշխատավարձ ՏԿԵՆ-ից։
Նախարարն ունի հիփոթեքային վարկի մայր գումարի 18,6 մլն դրամ մնացորդ և 3,5 մլն դրամ այլ վարկ։
Դավիթ Խուդաթյանը, հիշեցնենք, 2024 թվականի հունվարի-նոյեմբերին զբաղեցրել է Արմավիրի մարզպետի պաշտոնը, ապա նշանակվել տարածքային կառավարման և ենթակառուցվածքների նախարար։ Նա «Քաղաքացիական պայմանագիր» կուսակցության Արմավիրի տարածքային խորհրդի նախագահն է։
Խուդաթյանի կինը և ծնողները 2024 թվականի համար գույքի և եկամուտների հայտարարագիր դեռ չեն ներկայացրել։
Գայանե Խաչատրյան
