15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Բացահայտվել է 130 հանցագործություն, որոնցից 11-ը՝ նախկինում կատարված
Հասարակություն
14.05.2025 | 16:10
Բացահայտվել է 130 հանցագործություն, որոնցից 11-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ 22 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 18 դեպք՝ թմրանյութի հայտնաբերման, 12 դեպք՝ ֆիզիկական ներգործության, 9-ական դեպք՝ մարմնական վնասվածք պատճառելու և խարդախության, 7 դեպք՝ հոգեկան ներգործության, 6-ական դեպք՝ անձնական ունեցվածքի գողության ու թմրանյութի իրացման, 5 դեպք՝ խուլիգանության, 3-ական դեպք՝ զենք-զինամթերքի առգրավման ու փաստաթղթի կեղծիքի, 2-ական դեպք՝ դրամանենգության, կաշառակերության և ինքնիրավչության:
Բացահայտվել են նաև ավազակության, բնակարանային գողության, հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության, իրացման նպատակով կեղծ ալկոհոլային խմիչքներ պատրաստելու, վարժական հավաքներից խուսափելու, աշխատանքի պաշտպանության կամ անվտանգության ապահովման կանոնները կամ պահանջները խախտելու և այլ դեպքեր։
Նախկինում կատարված հանցագործություններից բացահայտվել է՝ շորթման՝ 8 դեպք, մարմնական վնասվածք պատճառելու, գույքը ոչնչացնելու կամ վնասելու ու խուլիգանության՝ 1-ական դեպք:
Հայտնաբերվել է 8 հետախուզվող, կամավոր ներկայացել՝ 2-ը:
Գրանցվել է զենք-զինամթերքի կամավոր հանձնման 4 դեպք։
ՃՏՊ վիճակագրություն
Անցած 1 օրում գրանցված 8 ավտովթարի հետևանքով 9 մարդ ստացել է տարբեր աստիճանի մարմնական վնասվածքներ։
`
