23.04.2026 | 16:10
Ինչի՞ ա դժվար խոստովանել, որ մենք ինչ-որ բան չգիտենք. Փաշինյան․ ՏԵՍԱՆՅՈՒԹ
Ադրբեջանի ԶՈՒ-ն կրակ է բացել Խնածախ բնակավայրի ուղղությամբ․ վնասվել է բնակելի տան տանիքը․ ՀՀ ՊՆ․ ԼՈՒՍԱՆԿԱՐՆԵՐ
08.05.2025 | 17:25
Մայիսի 7-ին՝ ժամը 22:22-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տան տանիքը։ Տուժածներ չկան․ տեղեկացնում են ՀՀ ՊՆ-ից։
«Ադրբեջանական կողմին կոչ ենք անում հետաքննել Խնածախի բնակելի տան գնդակոծման փաստը և հանդես գալ հրապարակային պարզաբանումներով»,- ասված է հաղորդագրությունում։
Ավելի վաղ տեղեկացրել էինք, որ Հայաստանի Հանրապետությունը Ադրբեջանին է փոխանցել հրադադարի ռեժիմի խախտումների վերաբերյալ համապատասխան տեղեկություններ։ ՀՀ վարչապետի աշխատակազմից միաժամանակ հայտնել են, որ Բաքվից ևս Երևանին են ներկայացրել հրադադարի ռեժիմի խախտումների մասին համապատասխան տեղեկություններ։
