29.04.2026 | 22:45
ՀՀ տարածքում ավտոճանապարհները հիմնականում անցանելի են
«Դատավորների Եվրոպական միության» տարեկան համաժողովը՝ Հայաստանում
Հասարակություն
08.05.2025 | 15:35
«Դատավորների եվրոպական միության» տարեկան համաժողովն այս տարի Հայաստանում է անցկացվում։
«Դատավորների եվրոպական միությունում» (EAJ) ներկայացված են եվրոպական երկրների դատավորների ազգային միությունները։ Միության նպատակը դատական անկախության պաշտպանությունը, միջազգային համագործակցության զարգացումը և օրենքի գերակայության ամրապնդմանը նպաստելն է։
Այն հանդիսանում է «Դատավորների միջազգային միության» (IAJ) տարածաշրջանային ստորաբաժանումը։ «Դատավորների միջազգային միությունը» (IAJ) հիմնադրվել է 1953 թվականին Զալցբուրգում (Ավստրիա) և հանդիսանում է մասնագիտական, ոչ քաղաքական, միջազգային կազմակերպություն։
Այսօրվա միջոցառման շրջանակներում Դատավորների միության հայաստանյան ներկայացուցիչ, նախկին դատավոր, ԲԴԽ նախկին անդամ Արշակ Վարդանյանը, իրավապաշտպան Սիրանուշ Սահակյանը, Սահմանադրական դատարանի, Մարդու իրավունքների նախկին դատավոր Ալվինա Գյուլումյանը ներկայացրին Հայաստանի դատական համակարգի խնդիրները։
Դատավոր Ալվինա Գյուլումյանն իր ելույթում անդրադարձավ այն հարցին, որ Արցախից բռնի տեղահանված անձանց շարքում կա 22 դատավոր։
Նախկին դատավոր, ԲԴԽ անդամ Արշակ Վարդանյանը, որը ԲԴԽ-ում իր գործունեության ընթացքում հաճախակի ԲԴԽ մեծամասնության կարծիքի հետ համամիտ չլինելով, հատուկ կարծիքներ է գրել և իրավապաշտպան Սիրանուշ Սահակյանը, որը ԲԴԽ-ում ներկայացրել է բազմաթիվ դատավորների շահեր, անդրադարձան կարգապահական վարույթների միջոցով դատավորների լիազորությունները դադարեցնելու, վերջին տարիների ընթացքում դատավորների անկախության երաշխիքը նվազեցնող օրենսդրական փոփոխություններին։
Բացման խոսքով հանդես եկան նաև «Հայաստանի դատավորների միության» նախագահ Ալեքսանդր Ազարյանը, «Դատավորների միջազգային միության» և «Դատավորների եվրոպական միության» նախագահները։
Արաքս Մամուլյան
