19.02.2026 | 16:26
«Նոայի» ֆուտբոլային կոմիքսն ու «ԱԶ Ալկմարի» տեսաանդրադարձը Երևանին․ ՏԵՍԱՆՅՈՒԹ
9 ոստիկան է ձերբակալվել․ Հակակոռուպցիոն կոմիտեն Վաղարշապատի բաժնում գործողություն է իրականացրել
Հասարակություն
07.05.2025 | 10:57
Հակակոռուպցիոն կոմիտեն այսօր առավոտյան ձերբակալել է ՆԳՆ ոստիկանության Վաղարշապատի բաժնի 9 ոստիկանի։
ՆԳՆ հանրային հաղորդակցության և իրազեկման վարչության պետ Նարեկ Սարգսյանը Factor TV-ի հետ զրույցում ասաց, որ ՆԳՆ ներքին անվտանգության և հակակոռուպցիոն վարչության կողմից իրականացված ուսումնասիրության հիման վրա Ոստիկանությունը հաղորդում է ուղարկել Հակոկռուպցիոն կոմիտե։
Հակակոռուպցիոն կոմիտեից Factor TV-ի հարցին ի պատասխան հաստատեցին, որ միջոցառումն իրականացվել է իրենց մոտ քննվող քրեական վարույթի շրջանակում։ Կոմիտեից նաև հաստատեցին, որ ոստիկանության աշխատակիցները ձերբակալվել են հանցագործության դեպք թաքցնելու և այդ կապակցությամբ պաշտոնեական կեղծիք կատարելու մեղադրանքներով։ Նախաքննության շահերից ելնելով` այլ մանրամասներ դեռևս չեն հայտնում։
Արաքս Մամուլյան
