15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Անդրանիկ Քոչարյանի վարքագիծը քննարկելու համար էթիկայի հանձնաժողով չի տեղծվի․ ՔՊ-ն մերժեց նախագիծը․ ՏԵՍԱՆՅՈՒԹ
Քաղաքականություն
06.05.2025 | 15:19
Ազգային ժողովը մերժեց պաշտպանության և անվտանգության մշտական հարցերի հանձնաժողովի նախագահ Անդրանիկ Քոչարյանի վարքագծի հարցով ժամանակավոր էթիկայի հանձնաժողով ստեղծելու՝ ընդդիմադիր «Հայաստան» և «Պատիվ ունեմ» խմբակցությունների նախագիծը։
Ընդդիմադիրների նախագծին կողմ քվեարկեց 28 պատգամավոր, դեմ՝ 47, ձեռնպահ՝ 1 պատգամավոր։
ՔՊ պատգամավոր Ալխաս Ղազարյանն ասաց, որ «Քաղաքացիական պայմանագիր» խմբակցությունը դեմ է արտահայտվել նախաձեռնությանը՝ նշելով, որ նման հանձնաժողովը գործունակ չի լինի և կարող է խոչընդոտել մշտական էթիկայի հանձնաժողովի ձևավորմանը։
Հիշեցնենք՝ ԱԺ պաշտպանության և անվանգության մշտական հարցերի հանձնաժողովի նախագահ Անդրանիկ Քոչարյանը ճեպազրույցի ժամանակ պահանջել էր, որ լրագրող Հռիփսիմե Ջեբեջյանն իրենից հեռու կանգնի, ապա ասել էր՝ «Մաքրե՛ք ձեր շրթունքները»։ Հռիփսիմե Ջեբեջյանը ստորագրահավաք էր նախաձեռնել, որով ԱԺ խմբակցություններից պահանջում էր նախաձեռնել ԱԺ էթիկայի ժամանակավոր հանձնաժողով ձևավորելու գործընթաց՝ քննարկելու ՔՊ-ական պատգամավոր Անդրանիկ Քոչարյանի վարքագիծը:
