30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Արշալույս գյուղում կատարված բնակարանային գողությունը բացահայտվել է
Հասարակություն
06.05.2025 | 14:08
Բնակարանային գողության վերաբերյալ հաղորդումը ոստիկանության օպերատիվ կառավարման կենտրոն ստացվեց ապրիլի 30-ին: Արշալույս գյուղի բնակիչ 58-ամյա կինը հայտնեց, որ մեկ շաբաթ առաջ տնից և բակից գողացել են իրեր․ տեղեկացնում են ՆԳՆ ոստիկանությունից։
Հաղորդումը փոխանցվեց Համայնքային ոստիկանության Վաղարշապատի բաժին, իսկ բացահայտման գործում աջակցության եկան նաև Արմավիրի մարզի քրեական ոստիկանները:
Չնայած հանցագործության վերաբերյալ հաղորդումն ուշացած էր` բացահայտումն արագ արդյունք տվեց: Համատեղ միջոցառումների արդյունքում հաղորդման օրը՝ ժամը 11.30-ին, գողությունը կատարելու կասկածանքով ձերբակալվեց և Վաղարշապատի բաժին ներկայացվեց նույն գյուղի բնակիչ 29-ամյա երիտասարդը: Վերջինս խոստովանել է, որ ապրիլի 19-ին գործիքով բացել է 58-ամյա կնոջ տան եվրապատուհանն ու գողացել օծանելիք և 9 շիշ կոնյակ, իսկ խորդանոցից տարել է կենցաղային առարկաներ՝ նախնական տվյալներով տուժողին պատճառելով մոտ 2 միլիոն դրամի վնաս։
Նա և կազմված փաստաթղթերը ներկայացվել են Վաղարշապատի քննչական բաժին: Գողոնի մի մասը հայտնաբերվել է, հանգամանքները նախաքննությամբ պարզվում են:
